Үндэсний хувцастай сурагчид хадаг барин дуулж байна

ӨНӨӨДӨР СУРАЛЦАЖ, МАРГААШ МАНЛАЙЛНА.

Learn today. Lead tomorrow.

Бидний тухай

01 / АЛСЫН ХАРАА

Ирээдүйг бүтээх иргэд

Монгол бахархалтай, аз жаргалтай, дэлхийд үнэ цэн бүтээх чадвартай иргэдийг төлөвшүүлж, боловсролын шинэчлэлийг манлайлагч сургууль байна.

02 / ЗОРИЛГО

Цогц хөгжил, насан туршийн суралцахуй

Бид сурагчдаа бие, сэтгэл, оюун ухаанаа цогцоор нь хөгжүүлж, үндэсний үнэт зүйлээ эрхэмлэдэг, суралцахуйн хэвшилтэй иргэн болгон төлөвшүүлнэ. Тэд шинэ технологийг бүтээлчээр, хариуцлагатай ашиглаж, тогтвортой хөгжилд хувь нэмэр оруулна.

03 / ҮНЭТ ЗҮЙЛС

Хүндлэл

Бусдын үзэл бодол, соёл, үнэ цэнийг хүндэтгэнэ.

Ёс зүй

Шударга, үнэнч, зарчимч байж, зөвийг эрхэмлэнэ.

Хариуцлага

Үүргээ ухамсарлаж, нийгэмд эерэг хувь нэмэр оруулна.

Бүтээлч байдал

Бүтээлчээр сэтгэж, шинэ санаа, шийдэл гаргана.

Хамтын оролцоо

Бусадтай хамтран ажиллаж, хамтын үнэ цэн бүтээнэ.

Аз жаргалтай суралцахуй

Суралцах үйл явцаас баяр хөөр авч, эерэг орчинд хөгжнө.

04 / СУРАГЧИЙН ШИНЖ ЧАНАР

01Өөртөө итгэлтэй

Өөрийн болон бусдын санааг судалж, дүгнэхдээ итгэлтэй. Баталгаатай мэдлэгтэй, оюуны эрсдэл гаргахдаа бэлэн бөгөөд үзэл бодлоо хамгаалж, бусдыг хүндэтгэдэг.

02Хариуцлагатай

Сурах үйлдээ эзэн болж, зорилго тавьдаг. Шударга байдлыг эрхэмлэж, хамтран ажиллан бусдыг дэмжиж, үйлдлийнхээ нөлөөг ухамсарладаг.

03Эргэцүүлэн тунгаадаг

Өөрийгөө суралцагч гэж ойлгож, суралцах үйл явцдаа дүн шинжилгээ хийдэг. Туршлагаасаа суралцан, байнга хөгжиж, насан туршийн суралцагч байх эрмэлзэлтэй.

04Шинийг санаачилдаг

Шинэ сорилтыг бүтээлчээр, уян хатан хүлээн авч, мэдлэгээ шинэ нөхцөлд ашиглаж, шинэлэг шийдэл гаргадаг.

05Оролцоотой

Сониуч, идэвхтэй, шинэ санаанд нээлттэй. Бие даан болон хамтран үр дүнтэй ажиллаж, орон нутаг, үндэсний болон дэлхийн түвшинд эерэг хувь нэмэр оруулдаг.

06Баяр баясгалантайгаар суралцдаг

Суралцах үйл явцаа аз жаргалтайгаар хүлээн авч, эерэг орчинд суралцахыг эрхэмлэдэг.

07Үндэсний үнэт зүйлдээ тулгуурласан

Монгол хэл, түүх, соёлоо эрхэмлэн, дэлхийд нээлттэй байдаг.

Үндэсний дээлтэй хүү хадаг барин тайзан дээр зогсож байна

Сургалт

Багш бага ангийн сурагчдад бичих даалгавар дээр туслаж байна

Үндэсний хөтөлбөр

Эх хэл, үндэсний соёл, өв уламжлалаа дээдэлдэг, өөртөө итгэлтэй, хариуцлагатай иргэн болгон төлөвшүүлнэ. Бага, суурь болон бүрэн дунд боловсролын хүрээнд мэдлэг, сурах арга барил, бүтээлч сэтгэлгээг хөгжүүлнэ.

Дэлгэрэнгүй